Шамшиев ошондой эле каптаждар жана суу сактагычтарды куруу боюнча долбоорлор бекитилгенин белгиледи. Бул демилгелердин алкагында 120 объект куруу пландалууда, бул Кыргызстанга сууну толук камсыз кылууга мүмкүнчүлүк берет.
Мындан тышкары, Түндүк–Түштүк альтернативдүү жолунун курулушун аяктоо Ош — Бишкек негизги автожолуна жүктөмдү азайтууга жардам берет, ал эми темир жол паркынын модернизациясы улантылат.
Экономист ички суроо-талаптын экономикалык өсүштүн негизги фактору экенине көңүл бурду. «Активдүү керектөө калктын кирешесине көз каранды. Ички суроо-талап минимум 4,5% га көбөйүшү керек», — деп баса белгиледи.
Шамшиев ошондой эле кичи жана орто бизнеске колдоо көрсөтүүгө көңүл бурулаарын, бул сектордун жалпы ички продуктунун 51% ын түзөрүн кошумчалады. Предпринимателдер үчүн төмөн пайыздык ставкалары бар программалар жана кайтарымсыз финансылык жардам, ошондой эле айыл чарбасына колдоо көрсөтүү каралган.
«Бул чаралар 20 миңден ашык ишкерге 12 миллиард сомдон көп каражат алууга жана 21 миңдей жумуш ордун түзүүгө жардам берди», — деп жыйынтыктады ал.
