Министр акыркы төрт жылда Кыргызстан экономикасы таң калыштуу жыйынтыктарды көрсөтүп жатканын белгиледи: үч жылдын орточо жылдык ИДП өсүү темпи 9,8 пайызды түздү. 2025-жылы экономикалык активдүүлүк жогорку деңгээлде калды, жана 11 айдын ичинде реалдуу ИДП өсүшү 10,2 пайызды түзүп, рекордго айланды.
2024-жылы Кыргызстан реалдуу ИДП өсүү темптери боюнча дүйнөнүн үч лидери катарына кирди, ал эми 2025-жылы өлкөнүн суверендик кредиттик рейтинги «B+» деңгээлине көтөрүлдү.
«Бул жетишкендиктер өлкөнүн экономикасы туруктуу жана сапаттуу өсүү жолунда экенин көрсөтүп турат. Бизде ишенимдүү финансылык база, туруктуу өнүгүү динамикасы жана келечекке ишеним бар», — деп баса белгиледи ал.
Министрдин айтымында, 2026-жылы негизги көңүл төмөнкү багыттарга бурулат:
- өнөр жай сектору үчүн жагымдуу шарттарды түзүү жана колдоо;
- инвесторлор жана ишкерлер үчүн позитивдүү ички чөйрөнү түзүү;
- сырткы экономикалык ишмердүүлүктө көп полярдуулукту илгерилетүү;
- фискалдык реформаны ишке ашыруу;
- экологиялык туруктуулукту бекемдөө жана климаттын өзгөрүшүнө адаптациялоо.
