15-17-январда өтө турган миссиянын максаты — Данияга бул региондогу коопсуздукту камсыздоодо аскердик катышуунун мүмкүнчүлүктөрүн изилдөө, анын ичинде деңиз байкоосун жүргүзүү, деп билдиришти тиешелүү министрликтен.
Германия 15-январда Airbus A400M транспорттук учагы менен Гренландиянын борбору Нуукка 13 аскер кызматкерин жиберет. Норвегия эки жоокерди жиберет, деп белгиледи өлкөнүн коргоо министри Торе Сандвик. Швеция дагы бир нече офицерди жиберет, деп билдирди премьер-министр Ульф Кристерссон.
Bild гезити билдиргендей, бул операция Дания тарабынан уюштурулган, бул болсо акыркы күндөрдө аралга болгон территориялык талаптарын кайрадан билдирип жаткан Америка Кошмо Штаттары менен координациянын жоктугун көрсөтөт.
Эскерте кетсек, Америка Кошмо Штаттары Венесуэла президенти менен анын аялын кармап, атайын операция жүргүзгөндөн кийин, Дональд Трамп башка өлкөлөргө, анын ичинде Гренландияга карата да ушундай эле аракеттерди жасоого мүмкүнчүлүк бар экенин билдирген. Бул Даниянын жана башка көптөгөн өлкөлөрдүн, анын ичинде Кытайдын нааразычылыгын жаратты. Муну менен Трамп артка чегинген жок — алгач ал Гренландияга мүмкүн болгон басып алуу планына даярдык көрүү үчүн атайын операция күчтөрүнүн командирлерине тапшырма бергендиги тууралуу маалымат пайда болду. Андан кийин республикачы Рэнди Файн Америка Кошмо Штаттарына Гренландияны кошуу жана ага америкалык штат статусун берүү боюнча мыйзам долбоорун Конгресске сунуштады.
