Өткөн жыл менен салыштырганда физикалык көлөмдүн индекси 110,6% түзүп, бул өнөр жай өндүрүшүнүн 10,6%га өскөнүн көрсөтөт.
2025-жылдын декабрь айында өнөр жай өндүрүшүнүн көлөмү 113 млрд 234,6 млн сомго жетип, 2024-жылдын декабры менен салыштырганда физикалык көлөмдүн индекси 110,4%ды түздү.
Өнөр жайдагы көрсөткүчтөрдүн жогорулашы ар кандай тармактардагы көлөмдөрдүн өсүшүнө байланыштуу болду. Мисалы, фармацевтикалык продукциянын чыгарылышы 1,7 эсе өстү. Ошондой эле резинотехникалык жана пластмасса буюмдардын өндүрүшү 35,7%га, курулуш материалдарынын өндүрүшү да ушундай эле өсүштү көрсөттү.
Мындан тышкары, тамак-аш товарлары (ичимдиктерди кошкондо) жана тамеки продукциясынын өндүрүшүндө 30,1% өсүш, химиялык буюмдардын өндүрүшүндө 19,8%, текстиль жана териден жасалган буюмдардын өндүрүшүндө 9,6% өсүш катталды. Полездүү казындыларды өндүрүү да 14,2%га өстү.
