Бул тармак жалпы өнөр жай өндүрүшүнүн эң жогорку үлүшүн ээлеп, 79,7% түзөт. Физикалык көлөмдүн индекси өткөн жылга салыштырмалуу 9,8% га жогорулап, 109,8% түздү.
Министрлик маалымдагандай, дары-дармек продукциясынын өндүрүшүн 1,7 эсе көбөйтүү аркылуу маанилүү өсүшкө жетишилди. Бул жыйынтыктар мамлекеттик колдоо чараларын, импортту алмаштыруу саясатын, ошондой эле тармакты модернизациялоону жана жаңы өндүрүш кубаттарын этап-этабы менен ишке киргизүүнү жүзөгө ашыруу аркылуу мүмкүн болду.
Мындан тышкары, Бишкекте «100 өнөр жай ишканасы – 2025» долбоорунун алкагында дары-дармек өндүрүшү башталды. Ошондой эле, бар болгон өндүрүүчүлөр өз ишмердүүлүгүн кеңейтти жана Кара-Балтада социалдык мааниге ээ дары-дармектерди өндүрүү үчүн толук өндүрүш-технологиялык цикли менен заманбап фармацевтикалык комплексти түзүүгө багытталган ири инвестициялык долбоор ишке ашырылды.
