Улуттук статистика комитети берген маалыматка ылайык, каттоону өткөрүү үчүн планшеттер жана мобилдик түзмөктөр, ошондой эле атайын программалык камсыздоо колдонулат.
Бул ыкма маалыматтарды жыйноонун сапатын кыйла жакшыртууга, маалыматтарды иштетүүгө кеткен убакытты кыскартууга жана адам факторунун таасирин азайтууга мүмкүндүк берет.
Жыйналган маалыматтар реалдуу убакыт режиминде борборлоштурулган серверге өткөрүлөт, бул учурда маалыматтын купуялыгын коргоо боюнча бардык талаптар сакталат.
Нацстаткомдо ошондой эле ар бир каттоочу өзүнүн жеке маалыматтары менен бейджи болушу керектигин белгилешти. Бул бейджде каттоочунун кошумча маалыматтарын алуу үчүн сканерлөө мүмкүнчүлүгү бар QR-код жайгаштырылат.
Ведомствонун маалыматы боюнча, санариптик айыл чарба каттоосу агрардык секторду санариптик трансформациялоонун жана бул тармакта башкаруунун натыйжалуулугун жогорулатуу үчүн маанилүү кадам болуп эсептелет.
Каттоо айыл чарба уюмдарын гана эмес, фермердик, дыйкан чарбаларын жана жарандардын жеке үй чарбаларын да камтыйт.
Улуттук статистика комитети жыйналган маалыматтар айыл чарба тармагында натыйжалуу мамлекеттик саясатты иштеп чыгуу, азык-түлүк коопсуздугун жакшыртуу жана региондордун туруктуу өнүгүүсү үчүн негиз болуп кызмат кыларын белгилейт.
Каттоонун жыйынтыктары мамлекеттик мекемелер, бизнес жана илимий уюмдарды камтыган кеңири аудитория үчүн жеткиликтүү болот.
