Садыралиев лицензиялар өкмөттүн чечимдеринин негизинде ишканага берилерин белгиледи. 2024-жылы үч кендин ачылганы белгилүү болсо, 2025-жылы дагы беши кошулду.
Жаңы көмүр кендери өлкөнүн ар кандай региондорунда жайгашкан:
- Баткен облусунда — «Сүлүктү 11-талаа» жана «Бешбурхан»,
- Жалал-Абад облусунда — «Маркай»,
- Нарын облусунда — «Торугарт»,
- Ош облусунда — «Кожо-Келең».
Бул кендердеги көмүр запасы болжол менен 133 миллион тонна, учурда активдүү казып алуу иштери жүргүзүлүүдө.
Садыралиев ошондой эле 2026–2027-жылдардагы күз-кыш мезгилине өлкөнү көмүр менен камсыз кылууга даярдык көрүү иштери башталганын белгиледи. Иштер Баткен, Ош, Жалал-Абад жана Нарын облустарында жүргүзүлүүдө.
Башкы директордун орун басарынын айтымында, «Сүлүктү», «Бешбурхан», «Маркай» жана «Кожо-Келең» кендеринен алынган көмүр жогорку сапаты менен мүнөздөлөт. Ат-Башы районунда жайгашкан «Торугарт» кенин биринчи кезекте жергиликтүү калктын муктаждыктарын канааттандырууга багытталган.
