Садыралиевдин айтымында, компаниянын максаты — социалдык складдарды уюштуруу аркылуу калкты колдоо, анда көмүр арзандатылган баада сунушталат.
Мисалы, рыноктогу көмүрдүн баасы 7-8 миң сомдун тегерегинде болсо, социалдык складдарда аны 5,8 миң сомго сатып алууга болот.
Мындай складдардын саны жыл сайын көбөйүүдө. 2023-жылы алардын саны 58 болсо, 2024-жылы 75, ал эми 2025-2026-жылдары өлкө боюнча 142ге жеткирүү пландалууда.
Садыралиев ошондой эле түштүк региондордо көмүрдүн баасы 9-13 миң сом болсо, социалдык складдарда аны 6 миң сомго сатып алууга болорун белгиледи. Түндүк облустарда баа 5 800дөн 6 100 сомго чейин өзгөрүп турат, ал эми рынокто 10 миң сомго чейин жетет.
2025-2026-жылдардын күз-кыш мезгилинде социалдык складдар аркылуу болжол менен 360 миң тонна көмүр сатуу пландалууда.
Ишкана бул багытта ишин улантат жана жеткирүү көлөмүн көбөйтүүнү пландап жатат.
