Юбилейлик иш-чара 2026-жылдын июнь айында өтөт. Форум кыргыз жазуучусу Чыңгыз Айтматовдун демилгеси менен 1986-жылы негизделген жана ошол убактан бери актуалдуу глобалдык маселелерди талкуулоо үчүн маанилүү эл аралык аянтча болуп калды.
Капалбаев Манас шаарында Чыңгыз Айтматовдун 100 жылдыгына жана Ысык-Көл форумунун 40 жылдыгына арналган илимий конференцияда сүйлөдү.
Бөлүмдүн башчысы 2012-жылы адабият боюнча Нобель сыйлыгын алган Мо Янь жана 2015-жылы химия боюнча Нобель сыйлыгын алган Азиз Санжардын катышуусун тастыктаганын билдирди. Ал юбилейлик иш-чарага даярдык көрүү боюнча иштердин жүрүшү жөнүндө айтып, анын актуалдуулугун белгиледи.
Иш-чараны даярдоо жана өткөрүү боюнча иштер 2025-жылдагы президенттин тапшырмасы боюнча, республикалык бюджеттен каржылоо менен жана Маданият, маалымат жана жаштар саясаты министрлигинин координациясы менен жүргүзүлүүдө.
Азиз Санжар — ДНКнын репарация (кайра калыбына келтирүү) механизмдерине адистешкен дүйнөгө белгилүү окумуштуу. Ал түрк дүйнөсүнөн табигый илимдер боюнча Нобель сыйлыгын алган биринчи лауреат болуп эсептелет. Анын онкологиялык ооруларды дарылоодогу ачылыштары эл аралык илимий булактарда жана ЖМКларда кеңири чагылдырылууда.
Нобель сыйлыгын алган Мо Янь жана Азиз Санжар юбилейлик Ысык-Көл эл аралык форумуна катышаарын тастыкташты
Азиз Санжар
// Архивден
Мо Янь — элдик жомоктор, тарыхый мотивдер жана заманбап чындыкты уникалдуу айкалышта чагылдырган белгилүү кытайлык жазуучу. Ал 2012-жылы адабият боюнча Нобель сыйлыгын алган.
Мо Янь
