Окуя 15-январда болгон. Учурда 13 адам стационарда, ал эми 4 адам амбулатордук дарыланууда. Департамент жабыркагандарга керектүү медициналык жардам көрсөтүлгөнүн белгилеп, клиникалык үлгүлөр лаборатордук изилдөөлөргө жөнөтүлгөнүн айтты.
Эпидемиологиялык маалыматтарга ылайык, жабыркагандар ошол эле күнү «Даамдуу» фастфудунан сатып алынган шаурманы жешкен. Уулануунун биринчи белгилери ар кандай убакта пайда болгон.
Бишкектеги мамлекеттик санитардык-эпидемиологиялык көзөмөл борборунун адистери мекемеде күтүүсүз текшерүү жүргүзүштү. Ингредиенттерден, жабдуулардан жуугучтардан жана даяр тамактардын калдыктарынан үлгүлөр алынды, ошондой эле персоналдын ичеги инфекциялары боюнча текшерилди.
Текшерүүнүн жыйынтыгында аныкталган мыйзам бузуулар боюнча үч протокол түзүлдү жана мекемеге жалпы 41 миң сомго айып пул салынды. Башкарууга 15-январдан тартып фастфудду жабуу боюнча санитардык буйрук берилди, ал эми объект пломбаланды.
Текшерүү уланууда, жаңы маалыматтар лаборатордук анализдердин жыйынтыктарын алган соң жарыяланат.
Департамент ишкерлерди санитардык нормаларды сактоого, ал эми жарандарды лицензияланган мекемелерден гана тамак сатып алууга жана уулануу белгилери пайда болгондо дароо врачтарга кайрылууга чакырат.
