Ал жеке билим берүү мекемелеринде менюнун өз алдынча түзүлөрүн жана текшерүүлөр жылына бир жолу гана жүргүзүлөрүн түшүндүрдү. Муну менен катар мамлекеттик мектептер өз рациондорун макулдашууга милдеттүү.
Маалыматка караганда, «Сейтек СТЕМ» жеке мектебинде 31-октябрда массалык уулануу болгон, анын натыйжасында 84 адам, анын ичинде төрт мугалим, жабыркаган. Алардын 13ү ооруканага жаткырылган, калгандыры амбулатордук жардам алган. Кийин бардык бейтаптар чыгарылган.
Алдын ала диагноз «аныкталбаган этиологиядагы бактериялык уулануу» деп коюлган.
«Окуя болгон күнү балдар таңкы ашка ботко, обедке буурчак сорпосу жана лапша, ал эми кечки тамакка шаурма алышкан, ал мектеп окуучулары үчүн тыюу салынган продукт болуп саналат, анткени анын курамында көптөгөн кошумча ингредиенттер бар. Начинкада тыюу салынган фарш болгон. Тамак-аш бөлүмүндө 20 адам, анын ичинде ашпозчулар жана жардамчылар иштеген. Биз шаурма уулануунун себеби болгон деп эсептейбиз», — деди Мира Курманова.
Окуя болгон жерде колдонулган азыктардан үлгүлөр, ошондой эле ашкана жабдыктарынан жана инвентардан жуугучтар алынды. Тамак даярдаган персонал текшерилди.
«Бардык жыйналган үлгүлөр анализ процессинде, ошондуктан азырынча уулануунун себебин так аныктай албайбыз. Бардык лабораториялык изилдөөлөр аяктап, натыйжалар алынгандан кийин акыркы диагноз белгилүү болот. Адатта анализдин натыйжалары жети-сегиз күндүн ичинде келет, бирок токсин же микроорганизм аныкталгандан кийин анализ башка эксперттик лабораторияда тастыкталышы керек, бул 10дон 14 күнгө чейин созулат», — деп кошумчалады ал.
Санитардык нормаларды бузуу боюнча мектептин жетекчилигине 28 миң сомдук эки айып салынды. Тамак-аш бөлүмү лабораториялык изилдөөлөрдүн натыйжаларын алганга чейин убактылуу жабык турат.
