Россия Федерациясынын президенти Владимир Путин чет өлкөлүк жумушчулар менен эмгек мамилелерин жөнгө салуу боюнча жумуш берүүчүлөр үчүн мүмкүнчүлүктөрдү кеңейтүүчү жаңы мыйзамды бекитти.
Жаңы өзгөртүүлөргө ылайык, жумуш берүүчүлөр мигранттар менен түзүлгөн келишимдерди аймакта жумуш орундар үчүн белгиленген чектен ашкан учурда токтото алышат. Бул мыйзам Россиянын Эмгек кодексинин 327.6-беренесине өзгөртүүлөрдү киргизет жана 2026-жылдын 1-мартынан тарта күчүнө кирет.
«Жаңы адамдар» партиясынын депутаттары бул демилгени Госдумага сунуштап, ал жумуштан бошотулган чет өлкөлүк жумушчулар тарабынан берилген сот доо арыздарынын тобокелдиктерин азайтууга жардам берет деп билдиришти.
2014-жылдан бери Россиянын аймактары чет өлкөлүк жумушчуларды тартууга жылдык чектөөлөрдү белгилөө укугуна ээ. Эгерде бул чектөөлөр ашып кетсе, ишканалар мигранттардын санын кыскартууга милдеттүү, болбосо аларды жазага тартуу коркунучу бар: юридикалык жактарга 800 миңден 1 миллион рублге чейин айып пул салынуусу же иштин убактылуу токтотулушу 2 жумага чейин болушу мүмкүн.
