Мексикадан келген Фатима Бош «Мисс Вселенная» титулунун ээси болду, деп билдирет The Philippine Star.
Корону ага Даниядан келген учурдагы «Мисс Вселенная — 2024» Виктория Тейлвиг тапшырды. Вице-мисс катары биринчи орунду Таиланддын өкүлү, ал эми үчүнчү, төртүнчү жана бешинчи орундарды Венесуэла, Филиппин жана Кот-д’Ивуардан келген катышуучулар алышты.
Конкурс Бангкокто, IMPACT көргөзмөлөр жана конгресс борборунда өттү.
Жеңишинен кийин Фатима Бош жаңы статусу тууралуу ойлорун бөлүштү: «Мен бул коронаны караңгы учурларда жарык символу катары кийип, кыздарды жана аялдарды өз күчүнө жана маанилүүлүгүнө ишенүүгө шыктандырууну каалайм», — деди ал.
Ошондой эле жаңы «Мисс Вселенная» жеке жашоосу тууралуу айтып, «Менин жигитим жок. Сүйүү күтсүн», — деп күлүп кошумчалады Фатима.
Фатиманын бою 1,74 метр жана ал 25 жашта. Ал кийим дизайны жана мода боюнча бакалавр даражасын алган Иберо-америкалык университеттин бүтүрүүчүсү.
