Япониянын Аомори префектурасында магнитудасы 6,4 болгон жер титирөө болду, бул тууралуу өлкөнүн негизги метеорология башкармалыгы маалымдады, РИА Новости билдирет.
Сейсмикалык окуянын эпицентри Аоморинин чыгыш жээгинде 10 километр тереңдикте жайгашкан. Метеорологдордун маалыматына ылайык, дүмпүүнүн максималдуу күчү Японияда кабыл алынган жети баллдык шкала боюнча төрт баллга жеткен.
Эскерте кетсек, ушул эле аймакта мурдагысы менен салыштырганда күчтүү жер титирөө катталган, анын магнитудасы 7,5 түзгөн. Анда цунами коркунучу жарыяланган. Эпицентр 50 километр тереңдикте жайгашкан, ал эми дүмпүүнүн максималдуу күчү 6+ жеткен. Ассошиэйтед Пресс агенттигинин маалыматы боюнча, бул жер титирөөдөн 23 адам жабыркаган.
