Такталган маалыматтар боюнча, укук коргоо органдарынын маалыматы боюнча, окуя болгон жерде 14 адам каза болду, ал эми 10 жаштагы кыз жана 40 жаштагы эркек киши ооруканада көз жумду. Каза болгондордун эң улуусу 87 жашта болчу.
Ок атуу эки куралчан эркек тарабынан башталган, австралиялык полиция бул кол салууну террордук акт катары квалификациялады. Укук коргоо органдарынын маалыматына ылайык, кол салуу еврейлердин Ханука майрамынын биринчи күнү, 14-декабрда болгон. Алдын ала маалыматтар кол салууга даярдык бир нече ай бою жүргүзүлгөнүн көрсөтүүдө. Окуя болгон жерде жардыруучу зат да табылган. Кол салуучулардын бири окко учуп, экинчиси жаракат алып, полициянын кайтаруусунда ооруканада жатат.
