19-декабрда Түндүк Каролинада, АКШнын президенти Дональд Трамп өзүнүн сөзүндө ФБР тарабынан анын резиденциясында жүргүзүлгөн обыск үчүн 1 миллиард доллар өлчөмүндө компенсация талап кылуу мүмкүнчүлүгү тууралуу билдирди. Ал бул каражатты кайрымдуулукка жумшай турганын белгиледи.
Эскерте кетсек, 2022-жылдын августунда ФБР кызматкерлери Трамптын Флоридадагы үйүндө алдын ала билдирүүсүз обыск жүргүзүшкөн.
Мындан тышкары, ушул жылдын октябрь айынын аягында The New York Times Трамптын АКШнын Юстиция министрлигине өзүнө карата жүргүзүлгөн териштирүүлөр үчүн болжол менен 230 миллион доллар өлчөмүндө чыгымдарды калыбына келтирүү талабын койгондугу тууралуу маалымдаган.
