Трамп, көптөгөн конфликттерди, анын ичинде сегизден ашык согушту алдын алганы үчүн бул сыйлыкты алуу керектигин айтты. Ал сыйлыктын жоктугу аны дүйнөлүк коомчулукка болгон милдеттенмелеринен бошотуп жатканын белгиледи.
Мындан тышкары, катында дүйнөнүн коопсуздугу АКШ Гренландияны көзөмөлдөп турганына байланыштуу экенин баса белгиледи. Трамптын пикири боюнча, Дания аралды Россия жана Кытай тараптан келүүчү коркунучтардан коргой албайт. Ал ошондой эле НАТО үчүн көп иштерди жасаганын айтып, эми альянс Америка Кошмо Штаттарынын кызыкчылыгында иш алып баруусу керектигин кошумчалады.
2025-жылдагы Нобель тынчтык сыйлыгы Венесуэла оппозициясынын лидери Мария Корина Мачадого декабрь айынын башында берилди. Январь айында ал сыйлыкты Трампка өткөрүп берди, бирок Норвегиянын Нобель комитети сыйлыкты өткөрүп берүү мүмкүн эместигин жана ал лауреатка гана байланыштуу экенин белгиледи. Трамп тынчтык жаатында жасаган аракеттери үчүн бул сыйлыкка татыктуу экенин бир нече жолу баса белгилеген.
