Бул окуя 12-февралда Монголиядагы Италия элчиси Джованна Пиккарретанын катышуусунда Чингисхан музейинде расмий түрдө жарыяланды. Бул тууралуу MiddleAsianNews маалымдайт.
2009-жылдан 2016-жылга чейин Амартүвшин Энхбат Улан-Батордогу Академиялык опера жана балет театрында ырчы катары иштеп, азыркы учурда Италияда карьерасын улантууда.
Амартүвшин белгилүү баритон болуп, «Кармен», «Травиата», «Риголетто», «Евгений Онегин», «Тоска», «Аида» жана «Трубадур» сыяктуу атактуу операларда негизги жана экинчи ролдорду ийгиликтүү аткарган. Ал Италия, Франция, Германия, Австрия, Испания, Япония, Сингапур, Англия, Бельгия, АКШ, Венгрия, Болгария жана Кытай сыяктуу өлкөлөрдөгү эң ири театрларда таланттарын көрсөттү.
Италиянын Жылдыз ордени (Ordine della Stella d’Italia) Италия Республикасынын мамлекеттик сыйлыгы болуп саналат.
Бул сыйлык өлкөдөн тышкары жашаган италиялыктарга, ошондой эле Италия менен башка мамлекеттердин ортосундагы достук байланыштарды жана кызматташтыкты өнүктүрүүгө чоң салым кошкон чет элдиктерге берилет.
Орден Италия президенти тарабынан тышкы иштер министринин сунушу боюнча, тышкы иштер министри баштаган жана төрт мүчөдөн турган орден кеңеши менен талкууланган соң тапшырылат.
Италиянын Жылдыз ордени 5 класска бөлүнөт:
Улуу кресттин кавалери (Cavaliere di Gran Croce)
Улуу офицер (Grand’Ufficiale)
Командор (Commendatore)
Офицер (Ufficiale)
Кавалер (Cavaliere)
