Reuters маалыматтарына ылайык, өрт өчүрүү кызматына шилтеме жасап, Жуиз-де-Фора жана Уба шаарларынан 3,6 миңден ашык тургун үйлөрүн таштап кетүүгө мажбур болушкан.
Жуиз-де-Фора администрациясы жергиликтүү тургундарды селге кабылган аймактарды таштап кетүүгө жана атайын даярдалган убактылуу башпаанектерге көчүүгө чакырууда. Окуяга жооп катары Бразилиянын федералдык өкмөтү жардам көрсөтүүнү тездетип, регионго медициналык кызматкерлерди жана улуттук коргонуу адистерин жөнөттү.
25-февралга карата Бразилиянын бийликтери 30 киши каза болуп, 440 адам эвакуацияланганын билдиришти. Мамлекеттеги жаан-чачын мезгили декабрдан мартка чейин уланат жана адатта жыш жаан, сел жана жер көчкүлөр менен коштолот. Бирок 2026-жылдын февралында түштүк жана чыгыш штаттарда жаан-чачындын деңгээли нормадан ашып кеткен. Жуиз-де-Фора шаары үчүн бул ай, анын тарыхында эң көп жаан жааган ай болуп калды.
