Мамлекетке кайтарылган балдар бакчасынын имараты. Генпрокуратуранын пресс-кызматынын сүрөтү.
Генералдык прокуратура тарабынан жүргүзүлгөн текшерүү учурунда "Алтын калачык" балдар бакчасынын имараты жана ага жапсарлашкан 1 гектар жер тилкеси жеке адамдар тарабынан муниципалдык менчикти пайдалануу жана ээлик кылуу эрежелерин бузуу менен колдонулуп келгендиги аныкталды. Бул объектилер тиешелүү түрдө катталбай, муниципалдык балансында жок болчу.
Прокурордук реакциянын жыйынтыгы боюнча, 111 миллион 93 миң сомго бааланган имарат жана жер тилкеси мамлекеттик менчикке кайтарылды, расмий билдирүүдө айтылгандай.
