Архивден алынган сүрөт. 2024-жылдын 25-декабрында Азербайжан авиакомпаниясынын Баку — Грозный багыты боюнча учуп жаткан учагы Актау аэропортунун жанында кулап калды
Отчетто кырсыктын ордунда табылган металл буюмдарына трасологиялык, баллистикалык, жарылуучу техникалык жана өрт экспертизалары жүргүзүлгөнү көрсөтүлгөн. Алардын жыйынтыктары жарылуунун белгилеринин жоктугун тастыктады.
Бирок, ведомстводо учактын алдын ала маалыматтарга ылайык, согуштук бөлүктөргө мүнөздүү элементтер менен жабыркаганын белгилешти. Бирок, отчетто бул элементтердин келип чыгышы такталган эмес.
Эскертсек, трагедия 2024-жылдын 25-декабрында болду, ошол күнү Азербайжан авиакомпаниясынын Баку — Грозный багыты боюнча учуп жаткан учагы Актау аэропортунун жанында кулап калды. Учак Россияда ийгиликсиз конуу аракеттеринен кийин аэропортко багыт алууда болгон. Кырсыктын натыйжасында 38 адам каза болду, 29 адам ооруканага жаткырылды.
Зардап тарткандардын арасында үч Кыргызстандын жараны болду. 30-декабрда аларды дарылоо үчүн мекенине алып келишти.
Россиянын Тышкы иштер министрлигинин маалыматына ылайык, Азербайжан авиакомпаниясы жоголгон учак үчүн 1,003 миллиард рубль өлчөмүндө камсыздандыруу төлөмүн төлөдү.
Россиянын президенти Владимир Путин октябрь айында азербайджандык кесиптеши менен болгон жолугушууда кырсыктын себептеринин бири украиндык дрондор болгонун билдирди.
