Стамбулда «Кыргызстандын аэропорттору» ААКнын жетекчиси Манасбек Самиддин менен Turkish Airlines авиакомпаниясынын башкармалыгынын төрагасы Билал Экши ортосунда жолугушуу өттү. Жолугушууда Кыргызстан Республикасынын Стамбулдагы башкы консулу Чынгыз Токтобеков да катышты.
Turkish Airlines компаниясынын басма сөз кызматынын маалыматына ылайык, сүйлөшүүлөрдүн жүрүшүндө тараптар «Асман Эйрлайнс» улуттук авиакомпаниясы менен Turkish Airlines ортосундагы кызматташтыкты кеңейтүү мүмкүнчүлүктөрүн карашты.
«Түркия тараптын өкүлдөрү биргелешип иштөөгө даяр экендиктерин билдиришип, жүк жана жүргүнчү каттамдарын, анын ичинде «Манас» эл аралык аэропортунда техникалык отурукташуу менен каттамдардын санын көбөйтүү ниетин билдиришти. Бул кызматташтык Кыргызстандагы авиация инфраструктурасын өнүктүрүүгө жана өлкө ичинде жана эл аралык маршруттарда авиаперевозкалардын сапатын жакшыртууга жаңы мүмкүнчүлүктөрдү ачат», — деп баса белгилешти басма сөз кызматында.
Кыргыз делегациясы Turkish Airlines авиакомпаниясынын башкы директорун 2026-жылдын жайында пландалган «Манас» эл аралык аэропортунун жаңыланган аэровокзалынын салтанаттуу ачылышына чакырды.
