Кыргызстандык курама командасы 12-14-декабрь күндөрү Стамбулда өткөн эл аралык Turkish Open Karate турнирына катышып, ийгиликтүү чыгышын жыйынтыктады.
Бул мелдешке 35 өлкөдөн 1700гө жакын спортчу катышты. Кыргызстан 11 каратэчи менен өкүлчүлүк кылып, үч коло медаль утту.
Индивидуалдык категорияларда коло медальды 8–9 жаштагы балдар арасында 30 кг салмакта (кумитэ) Раид Абожмей жана 16–17 жаштагы өспүрүмдөр арасында 55 кг салмакта (кумитэ) Нуртилек Саидов алышты. Ошондой эле, командалык мелдеште 16–17 жаштагы өспүрүмдөр курама командасы (Айдар Жолчиев, Тимур Жолчиев, Азиз Муратов жана Эмир Жалалов) коло медаль утту.
Команданы Кыргыз Республикасынын Улуттук сетокан каратэ-до федерациясынын улук машыктыруучусу Абдибек Апсатаров жетектеди.
Turkish Open Karate — бул жыл сайын дүйнөнүн эң күчтүү спортчуларын тарткан эң престиждүү эл аралык турнирдир.
