Стамбулда «Кыргызстан аэропорттору» акционердик коомунун башкармалыгынын төрагасы Манасбек Самидинов менен Turkish Airlines компаниясынын башкармалыгынын төрагасы Билал Экши ортосунда жолугушуу өттү. Иш-чара Кыргызстан Республикасынын Стамбулдагы башкы консулдугунун колдоосу менен, Чынгыз Токтобеков тарабынан жетектелген.
Манасбек Самидинов социалдык тармактарында билдиргендей, жолугушууда «Асман Эйрлайнс» мамлекеттик авиакомпаниясы менен кызматташуу мүмкүнчүлүктөрү, ошондой эле жүк жана жүргүнчү каттамдарын көбөйтүү маселелери талкууланды. Атап айтканда, «Манас» аэропортунда техникалык конуу менен каттамдарды жүргүзүү мүмкүнчүлүгү жөнүндө сөз болду.
Билал Экши өз ара аракеттенүүгө даярдыгын белгилеп, Кыргыз Республикасындагы өнөктөштүктүн маанилүүлүгүн баса белгиледи. Самидинов аны 2026-жылдын жайында пландалган «Манас» эл аралык аэропортунун жаңыланган аэровокзалынын комплекси ачылышына чакырды. ```
