Быйылкы жылдын 5-декабрынан тарта Asman Airlines Алматыдан «Каракол» эл аралык аэропортуна туруктуу рейстерди баштайт, деп билдирет авиакомпаниянын басма сөз кызматы.
Алынган маалыматка ылайык, учуулар жумасына эки жолу — жума күндөрү жана жекшемби күндөрү жүргүзүлөт. Алматыдан учуу убактысы 11:35те, ал эми Караколдон кайтып келүү рейси 12:35те жөнөтүлөт. Учуунун узактыгы — 35 мүнөт.
Мурда бул маршрут боюнча рейстер туруктуу эмес жүргүзүлүп, 1970-жылдардан бери туруктуу рейстер жок болчу.
Билеттердин баасы 6 миң 500 сомдон башталат.
