ICAO документине ылайык 2008/21-жылдагы авиация коопсуздугунун стандарттуу чараларына кошумча, эл аралык «Манас» аэропортунан рейс жүргүзгөн авиакомпаниялардын өкүлчүлүктөрүнүн кайрылуусуна байланыштуу, суу, аэрозолдор жана гельдерди ташуу эрежелерине өзгөртүүлөр киргизилди.
2014-жылдын 7-февралынан баштап, эл аралык «Манас» аэропортунда кол жүгүндө жеке гигиена, косметикалык каражаттар, дары-дармек жана көркөм ишмердикте (бояо, грунт, желимдер) колдонууга арналган бардык түрдөгү суюктуктар, контейнерлер, түтүктөр жана башка сактоо каражаттарын ташууга тыюу салынат.
Ташууга тыюу салынган буюмдарга балдардын тамагы, эне сүтү жана учуу учурунда жүргүнчүлөргө дайыма керек болгон дары-дармектер кирбейт.
Кол жүгүндө (учактын кабинесинде) ташууга тыюу салынган суюктуктар, аэрозолдор жана гельдер жүргүнчүлөрдүн жүгүндө ташууга болот.
«Манас» эл аралык аэропорту ОАО авиапассажирлерден коопсуздук чараларынын күчөтүлгөндүгүнө түшүнүү менен карап, аэропортко алдын ала даярданып келишин өтүнөт.
