Арыз ээси белгилегендей, 1993-жылы төрөлгөн жумуш берүүчү 2024-жылдан бери бетон жумуштарын аткаруу үчүн адамдарды жалдап, айына 50–60 миң сом маяна төлөөгө убада берген. Бирок 2025-жылдын декабрь айындагы эмгек акы төлөнгөн эмес.
Тергөө жүргүзүлгөн мезгилде болжол менен 7 200 кубометр бетон жумуштары аткарылгандыгы аныкталды. Заказчы компаниядан алынган жалпы сумма 43,4 миллион сомдон ашып, анын ичинен 3,1 миллион сомдон ашыгы салык катары төлөнгөн.
Бул факт боюнча Кыргыз Республикасынын Кылмыш кодексинин 209-беренеси боюнча алдамчылыкка байланыштуу кылмыш иши козголду. Шектүү кармалып, убактылуу кармоо жайына жайгаштырылды, тергөө уланууда.
