Текшерүүнүн жыйынтыгы боюнча кыз чындап эле транспорт каражатын башкаргандыгы аныкталды. Башкармалык кыздын ата-энесин аныктап, аларга Кыргыз Республикасынын укук бузуулар кодексинин 184-беренесинин 3-бөлүгү боюнча протокол түздү. Натижада аларга 15 миң сом өлчөмүндө айып пул дайындалды.
Башкармалык жаш балдардын унаа айдоосуна уруксат берүү олуттуу укук бузуулардан экенин, бул өзгөчө баланын коопсуздугуна жана жол кыймылынын башка катышуучуларына коркунуч туудураарын белгиледи.
Ошондой эле, башкармалык ата-энелерди көбүрөөк көңүл бурууга жана балдарына унаа айдаганга уруксат бербөөгө чакырды.
Эгерде кимдир бирөө мындай окуяларга же жол кыймылынын эрежелерин бузууга күбө болсо, алар Жол кыймылынын коопсуздугун камсыздоо башкы башкармалыгынын 0777102102 ишеним телефонына же башкармалыктын расмий социалдык тармактарына билдирүү жөнөтө алышат.
Башкармалык ар бир сигналга тиешелүү жооп берилерин билдирди.
