Түштүк борбордун ИИБсинин маалыматына ылайык, Ш.Ж. аттуу аял жол кыймылынын коопсуздук кызматынын кызматкери болуп өзүн тааныштырган. Ал Россияда мурда катталган Toyota Avensis унаасын каттоодон өткөрүп, мамлекеттик номер алууга сунуш кылган.
Натыйжада алдамчы 57 миң сомду алып, аны өзүнүн электрондук капчыгына которгон. Акчаны алган соң, ал жабырлануучуга WhatsApp аркылуу транспорт каражатынын каттоосунун жасалма күбөлүгүн жиберген, ал эми мамлекеттик номерди "Достук" өткөрмө бекетинин жаныдагы күйүүчү май станциясында калтырган.
Алдамчылык жана жасалма документтерди даярдоо фактылары боюнча Кыргыз Республикасынын Кылмыш кодексинин 209-беренеси "Алдамчылык" жана 379-беренеси "Документтерди жасалмалоо" боюнча алдын ала тергөө иши башталган. Тергөө уланууда.
