2025-жылдын 12-декабрында Бишкекте жашаган 76 жаштагы аял укук коргоо органдарына кайрылган. Анын билдирүүсүнө ылайык, алдамчылар күч органдарынын кызматкерлеримин деп өзүн тааныштырган жана алдамчылык жолу менен анын 850 миң сомдук акчасын алып алышкан.
Бул кылмыш Кыргыз Республикасынын Кылмыш-жаза кодексинин 209-беренеси ("Алдамчылык") боюнча катталган.
Оперативдик иш-чаралардын натыйжасында милиция кызматкерлери 2004-жылы туулган А.Ж. аттуу жигитти кармашты. Ал убактылуу кармоо жайына жайгаштырылды.
Тергөө иштеринин алкагында кылмыштуу схеманын башка катышуучуларын издөө улантылууда.
