Бул окуянын негизинде Кыргыз Республикасынын Кылмыш кодексинин 206-беренеси "Уурдоо" боюнча кылмыш иши козголгон.
Мындан тышкары, алдын ала маалыматтар боюнча, шектүүлөр жабырлануучуну мыйзамсыз ишмердүүлүккө катыштыгы тууралуу жалган маалымат менен видео кайрылуу жаздырууга мажбурлашкан, бул кылмыштын фактыларын жашыруу жана айланасындагыларды жаңылыштыруу максатында жасалгандыгы белгиленет.
Оперативдүү-издөө иш-чараларынын натыйжасында милиция кызматкерлери 1998, 1999, 2006 жана 2007-жылдары туулган алты эркекти, ошондой эле 2004-жылы туулган кызды аныктап, кармашкан. Алардын бардыгы Кыргыз Республикасынын Жазык-процессуалдык кодексинин 96-беренесине ылайык убактылуу кармоо жайына жайгаштырылган.
Учурда алардын окшош кылмыштарга катышы бар-жогун текшерүү иштери жүргүзүлүүдө. Тергөө уланууда.
