Баткен районунун сот аткаруучуларына М.У.Ж. аттуу карыздар жөнүндө алиментти өндүрүү боюнча аткаруучу лист келип түштү, анда алиментти өндүрүүчүгө кирешенин үчтөн бир бөлүгүн төлөө талап кылынган.
«Сот аткаруучулары тарабынан аткаруу өндүрүшү учурунда жасалган чараларга карабастан, карыздар соттун чечимин туура эмес аткарган. 2022-жылдын 1-январынан 2025-жылдын 1-сентябрына чейин алимент боюнча карыздын суммасы 313 миң 833 сомду түздү», - деп айтылат билдирүүдө.
Бул иш боюнча кылмыш иши козголуп, зарыл болгон тергөө иштери жүргүзүлгөн. Кылмыш иши сотко жөнөтүлүп, анын жыйынтыгы боюнча Баткен облустук соту 2026-жылдын 12-мартында М.У.Ж.ны Кыргыз Республикасынын Кылмыш кодексинин 178-беренесинин 2-бөлүгү (Ата-энелердин балдарды каржылоодон качышы) боюнча күнөөлүү деп таап, эки жыл эркинен ажыратууга өкүм чыгарды, сот залында камакка алынды.
