УВДнын сүрөтү. Кызыл-Киде алименттер боюнча жарым миллион сомдук карызы бар эркек кармалды
Укук коргоо органдарынын маалыматы боюнча, бул эркектин карызы 474 миң 856 сомду түзгөн. Учурда ага Кыргыз Республикасынын Кылмыш кодексинин 178-беренесинин 2-бөлүгү боюнча кылмыш иши козголгон. Кадамжай РОВДсынын оперативдик кызматкерлери аны Кызыл-Киде, адилеттиктен качып жүргөн жеринен тапкан.
Текшерүү иштери уланууда.
Кыргызстандын сот департаментинин расмий статистикасына ылайык, өлкөдө алименттер боюнча болжол менен 60 миң иш катталган. Алимент төлөөдөн качып жүргөн 1 миң 400дөн ашык адам издөөдө. Ошол эле учурда ажырашкан ата-энелердин болгону 2 пайызы балдарын кармоо боюнча милдеттерин үзгүлтүксүз аткарат.
