МВДнын маалымат кызматына ылайык, 68 жаштагы борбордун ээси О.Ш. наркотиктерге жана алкоголго көз каранды пациенттерди тиешелүү лицензиясыз дарылоо менен алектенген. Мындан тышкары, ал психотроптук препараттарды мыйзамсыз сактоо, колдонуу жана сатуу менен шугулданган.
Бул медициналык мекемеде жүргүзүлгөн тинтүү учурунда 18 ампула психотроптук заттар, ошондой эле 600дөн ашык ампула жана 16 пакети ар кандай дары-дармектер табылган. О.Ш.нын жашаган жеринде жүргүзүлгөн тинтүүдө дагы наркотикалык заттар табылганы тууралуу МВДнын билдирүүсүндө айтылган.
Окуя боюнча Кыргыз Республикасынын МВДсынын тергөө кызматы наркотиктерди жана психотроптук заттарды мыйзамсыз өндүрүү менен сатуу максатында кылмыш ишин козгоду.
Шектүү О.Ш. кармалып, убактылуу кармоо жайына киргизилди.
Учурда бул кылмышка тартылган башка адамдарды аныктоо боюнча кошумча иш-чаралар улантылууда.
