Маалыматка ылайык, милицияга Ч. К. кайрылып, М. Б.нын мыйзамсыз аракеттери тууралуу билдирген.
Алдын ала тергөө маалыматтарына ылайык, 2025-жылдын 20-апрелинде шектүү, ишенимди утуп алып, BMW 540I унаасын $40 миңге сатып алуу максатында, болгону $5 миң биринчи төлөм катары төлөп, өзүнө алган.
Бирок, жабырлануучунун айтымында, кийинчерээк эркек унааны үчүнчү жактарга саткан, калган $35 миң сумманы төлөбөй, бардык байланыштарды токтоткон.
Бишкекте BMW унаасын кредитке сатуу менен байланышкан алдамчылыкка шектелген эркек кармалды.
Бул окуя боюнча Октябрь райондук ички иштер башкармалыгы тарабынан Кыргыз Республикасынын Кылмыш кодексинин 209-беренеси "Алдамчылык" боюнча кылмыш иши козголду.
Оперативдик иш-чаралардын натыйжасында 1993-жылы туулган М. Б. аныкталып, кармалды. Ал тергөө кызматына жеткирилип, Кыргыз Республикасынын Кылмыш-процессуалдык кодексинин 96-беренесине ылайык Бишкек шаарынын ГУВДсынын убактылуу кармоо жайына жайгаштырылды.
