2000-жылы Жайыл районунда төрөлгөн Данияр 15 жашында мал чарбачылыкка киришкен. Жаш фермер таң калыштуу жыйынтыктарга жетишти — анын койлору 1ден 6 миң долларга чейин турат.
Анын малында Француз жана Алтын линиялары боюнча чыгарылган кочкорлор бар. Бекжановдун өзгөчө сыймыгы Тойбос аттуу баран, ал эки жыл подряд салмак жана бийиктик боюнча көргөзмөлөрдө чемпион болгон. «Мен үйлөнгөнмүн жана уулумду тарбиялап жатам. Балалыгымдан мал чарбачылыкка байланыштым, ал эми 15 жашымдан арашан тукумундагы койлор менен алектенем. Келечекте жаңы бийиктиктерге жетүү үчүн көргөзмөлөргө катышууну пландаштыруудамын», - деди фермер.
Данияр Бекжанов кичинекей малдан баштаган — болгону 10 арашан тукумундагы кой менен. «Ар жылы мал башын 30-40 башка чейин көбөйтүп, ашыкча койлорду сатам. Ал кезде жөнөкөй койлордун баасы болжол менен 6 миң сом болсо, арашан тукуму 15 миң сом болгон. Азыр бул тукумдагы койлордун баасы 1ден 7 миң долларга чейин өзгөрүп турат. Менин чоң пландарым бар, селекцияны өнүктүрүп, чарбачылыгымды бекемдегим келет», - деп кошумчалады Данияр.
