Кыргыз Республикасынын Коргоо министрлигинде жаштарды допризывдык даярдоо боюнча чараларды талкуулаган жыйын өттү. Жыйынга Кыргыз Республикасынын Куралдуу Күчтөрүнүн Башкы штабынын башчысы жана Коргоо министринин биринчи орун басары Тариэль Отонбаев катышты.
Иш-чарада жумушчу топтун мүчөлөрү, «Допризывдык даярдык» курсу боюнча мугалимдер жана профилдик адистер катышып, окутуунун учурдагы аспекттерин, бар болгон методологияларды, ошондой эле окуу куралдарынын долбоорлорун жана бул багыттын келечектеги өнүгүүсүн карашты.
Талкуулоолордун натыйжасында Коргоо министрлиги менен Кыргыз Республикасынын Билим берүү министрлигине караштуу «Окуу китеби» басма үйүнүн ортосунда кызматташтык боюнча меморандумга кол коюлду. ```
