Күзгү айыл чарба продукцияларынын жарманкеси бүгүн Баткендин борбордук стадионунда өттү. Бул тууралуу облустун өкүлчүлүгүнүн басма сөз кызматынан билдиришти.
Иш-чарага Баткен облусундагы президенттин ыйгарым укуктуу өкүлү Айбек Шаменов жана Баткен шаарынын мэри Сейтек Кулубаев катышып, товарларды карап, жарманкенин жүрүшү менен таанышышты.
Фермерлер, дехканчылар жана жергиликтүү өндүрүүчүлөр жарманкеде өз продукцияларын жеткиликтүү баада сунушташты.
Учурда айыл чарба жарманкалары облустун райондук борборлорунда туруктуу өткөрүлүп, калкка керектүү товарларды сунуштоодо.
Мындан тышкары, жарманкеде эттин баасы 640тан 650 сомго чейин өзгөрдү. ```
