Эмгек, социалдык камсыздандыруу жана миграция министрлиги 2023-жылдын 1-ноябрына карата өлкөдө 8136 бош орун бар экенин маалымдайт.
Ведомствонун маалыматына ылайык, жумушчу кесиптерге эң чоң кызыгуу байкалууда.
Республикадагы расмий жумушсуздук деңгээли учурда 1,4% түзөт.
Эмгек кызматтарында катталган жумушсуздардын саны 59,6 миң адамга жетет, алардын ичинен 40,9 миңи расмий жумушсуз статусуна ээ. Жыл башынан бери эмгек кызматтарына 117 миң 211 жаран кайрылган.
Эмгек кызматтарынын колдоосу менен 13 миң 274 адам жумушка орношту.
Талапкерлердин атаандаштыкка жөндөмдүүлүгүн жогорулатуу үчүн талап кылынган кесиптер боюнча окутуу өткөрүлдү. Бул кесиптердин катарына: компьютердик оператор, соода агенти, ашпозчу, косметолог, чач тарач, маникюр устасы, массажист, визажист, котормочу, 1С программасында тажрыйбасы бар бухгалтер, тигүүчү, электр-газ сварщик жана сантехник кирет.
