2024-2025-жылдарда Кыргызстандагы эмгек рыногунун абалын кеңири талдоо жүргүзүлөт, аны Эмгек, социалдык камсыздоо жана миграция министрлиги Билим берүү министрлиги жана Улуттук статистика комитети менен кызматташып уюштурат. Бул тууралуу Эмгек министрлигинин жумушсуздукту жоюу боюнча чечимдерди даярдоо башкармалыгынын жетекчи адиси Саадаткул Муканбетова «Кабар» агенттигиндеги түз эфир учурунда билдирди.
Анын айтымында, бул изилдөөнүн натыйжасында эмгек рыногундагы муктаждыктарды баалоо үчүн бирдиктүү методология түзүлүп, бул өлкөдөгү эң актуалдуу адистиктерди аныктоого мүмкүнчүлүк берген.
«Эмгек рыногу чач тарачтарга, ашпозчуларга, сварщиктерге, тигүүчүлөргө, бухгалтерлерге, айдоочуларга жана котормочуларга эң чоң суроо-талап бар экенин көрсөттү», — деп кошумчалады Муканбетова.Мындан тышкары, ал рынокту талдоо Дүйнөлүк банк тарабынан каржылык колдоо менен жүргүзүлгөнүн белгиледи.
