Бул тууралуу Turmush агенттигинин кабарчысы билдирди.
Президенттин «Улуттук дем - дүйнөлүк бийиктик» Указынын ишке ашырылышы максатында, «Уңгу жол» караваны Чүй облусунун тургундары менен жолугуп, улуттук баалуулуктарды жайылтууда. Москва районунда жаш эпос «Манас» айтучулары президенттин администрациясынан атайын дайындалган менторлор менен жолугушуп, кол өнөрчүлөрдүн жана сүрөтчүлөрдүн көргөзмөсү менен таанышышты.
Андан соң «Уңгу жол» караванынын маңызы, анын милдеттери жана демилгелердин алкагындагы келечектеги иш-аракеттери тууралуу маалымат берилди.
Иш-чарага райондук структуралык бөлүмдөрдүн жетекчилери, айыл өкмөтүнүн башчылары, ушул бөлүмдөрдүн жана айыл өкмөтүнүн кызматкерлери, билим берүү мекемелеринин жетекчилери, аксакалдар, жаштар жана аялдар кеңештери, имамдар жана активисттер катышты.
Караванын негизги максаты — анын багыттарын түшүндүрүү жана ишке ашыруу механизмдерин тактоо.
Иш-чаранын аягында суроо-жооп сессиясы өткөрүлдү.
