
Быйыл, 30-ноябрда саат 12:00дө, Кыргызстанда "География диктанты" аттуу он биринчи билим берүү акциясы өтөт. Иш-чарага географияга кызыккан бардык каалагандардын катышуусуна мүмкүнчүлүк берилет. Алар бул предметтин ар түрдүү аспекттерин камтыган 40 суроого жооп беришет.
Диктант Бишкек, Кант, Каракол, Манас, Нарын, Ош шаарларында, ошондой эле Чүй облусундагы Нижневосточное айылында өткөрүлөт.
Площадкалардын толук тизмеси менен төмөнкү шилтеме аркылуу таанышсаңыздар болот: https://dictant.rgo.ru/geography_world?country_selective=KG.
Мурдагы жылдардагыдай эле, Бишкектеги жана Ош шаарындагы Русский үйлөр диктант өткөрүү үчүн площадкалар болуп калат. Катышуучуларды жыйноо саат 11:00дө башталат.
Бишкектеги Русский үйү бардык каалагандарды География диктантына катышууга чакырат. Катышуу үчүн төмөнкү шилтеме аркылуу катталышыңыз керек: https://forms.yandex.ru/u/691eefddeb6146001755d486.
География боюнча билимиңизди текшериңиз!
Иш-чаранын уюштуруучусу Россиянын "Русское географическое общество" коомдук уюму болуп саналат. Диктант жана өткөн жылдардагы тапшырмалар жөнүндө кошумча маалыматты dictant.rgo.ru сайтынан таба аласыз.