Бишкек шаарынын башчысы Айбек Джунушалиев мэриянын жер пайдалануу боюнча көзөмөл башкармалыгына Ч.Айтматов проспектиси боюнча жайгашкан жер тилкелери менен байланышкан 29 сот доо арызын кайра чакырып алууну тапшырды.
Бул чечим сотко кайрылбай маселелерди чечүүгө жана аталган жерлердин ээлери менен натыйжалуу өз ара аракеттешүүнү орнотууга багытталган.
Ленин районунун акимине процесс башталганда жарандар үчүн теңдеш баада альтернативдүү тилкелерди берүү уюштурууну тапшырылды, ал эми алар баш тарткан учурда, Кыргыз Республикасынын күчүндө болгон мыйзамдарга ылайык кадастрдык баалоо боюнча компенсация берүү мүмкүнчүлүгүн карап чыгуу тапшырылды.
«Мэрия жер пайдалануу боюнча бардык маселелер Кыргыз Республикасынын мыйзамдарына ылайык чечилүүсүн камсыз кылуу боюнча аракеттерин улантат», - деп айтылат расмий билдирүүдө.
