Кыргыз Республикасынын Министрлер кабинети алдындагы Жер ресурстары, кадастр, геодезия жана картография мамлекеттик агенттигинин басма сөз кызматынан билдиришкендей, эми традициялык кызыл жана жашыл китептердин ордуна кадастрдык план берилет.
Кадастрдык план - бул жер участоктору жана башка кыймылсыз мүлккө тиешелүү негизги документ. Фактически, ал жер үчүн "паспорт" ролун аткарат.
Бул документ физикалык жана юридикалык жактарга жеткиликтүү болот.
Аны алуу үчүн Жер агенттигинин жергиликтүү каттоо органдарына арыз берүү керек. Кадастрдык план даярдалып, электрондук базага киргизилгенден кийин, аны «Түндүк» тиркемесинде көрүүгө болот.
Кадастрдык пландын мазмуну төмөнкүлөрдү камтыйт:
• жер участоктун номери;
• жер категориясы;
• максаттуу назначение;
• участоктун аянты;
• жайгашкан жери;
• участоктун картасы жана координаттары;
• участокко тиешелүү укуктар жана чектөөлөр;
• ээлөөчү жана мурунку келишимдер тууралуу маалымат.
Билдирүүдө белгиленгендей, «Бул документ мурда берилген мамлекеттик актыларды толугу менен алмаштырат. Эми ар бир жаран же юридикалык жак кадастрдык планды алат. Аны алуу үчүн Жер агенттигинин жергиликтүү каттоо органына арыз берүү керек. Кадастрдык план даярдалгандан кийин электрондук базага киргизилет, жана аны «Тундук» тиркемесинен табууга болот».
