Бул семинар «Календарь. Илимий-шыгармачылык демилгелерди бириктирүү» коомдук уюму тарабынан Армениянын Билим берүү, илим, маданият жана спорт министрлиги менен кызматташтыкта уюштурулуп, ТМД өлкөлөрүнүн гуманитардык кызматташтык боюнча мамлекеттер аралык фонду тарабынан колдоого алынды.
Иш-чаранын алкагында ТМД жана Европа өлкөлөрүнөн кино жаатындагы алдыңкы адистер чогулуп, кино өндүрүшүнүн актуалдуу маселелерин, ошондой эле эл аралык кызматташтыкты өнүктүрүү, копродукция, каржылоо жана фильмдерди таратуу маселелерин талкуулашты. Мамлекеттин киноиндустриясы менен өз ара аракеттенүү боюнча жаңы технологияларга жана формаларга өзгөчө көңүл бурулду.
Кыргызстандык катышуучулар улуттук кино жаатындагы тажрыйбалары менен бөлүшүп, эл аралык өнөктөштүктүн потенциалдуу мүмкүнчүлүктөрүн талкуулашты жана Армения, Казакстан, Өзбекстан, Тажикстан, Россия, Беларус жана Грузиядан келген кесиптештери менен билим алмашышты.
