Маданият министрлигинин басма сөз кызматы билдиргендей, аталган документти Кыргызстандын Улуттук китепканасынын директору Эльдар Аттокуров жана Россиянын Илимий-техникалык китепканасынын директорунун милдетин аткаруучу Наталья Михальченкова кол койду.
Бул келишимдин негизги максаты профессионалдык кызматташтыкты өнүктүрүү, илимий-акпараттык ресурстарды алмашуу, биргелешкен санариптик долбоорлорду ишке ашыруу, ошондой эле китепканалык иш жана билим берүү тармактарындагы гуманитардык байланыштарды бекемдөө.
LIBCOM-2025 форуму Россиянын Мамлекеттик коомдук илимий-техникалык китепканасы тарабынан Электрондук китепканалардын жана жаңы маалымат технологияларынын колдонуучулары, иштеп чыгуучуларынын Эл аралык ассоциациясы, Россиянын мамлекеттик китепканасы жана Россиянын илимий маалымат борбору менен өнөктөштүктө уюштурулган. Иш-чарада Россия, ТМД жана БРИКС өлкөлөрүнөн окумуштуулар, китепканалык иш боюнча адистер, басмакерлер, ошондой эле билим берүү жана маданият тармактарынан өкүлдөр катышты.
