Семинарды НИМдеги музейдик билим берүү, просветительдик жана илимий-методикалык иштер бөлүмүнүн начальниги Өмүрбек Самудинов өткөрдү. Ал катышуучуларга музейдик ишмердүүлүктүн ар кандай ыкмаларын жана методдорун, ошондой эле маданий-просветительдик иштердин принциптерин жана музей программаларын уюштуруудагы заманбап практикаларды сунуштады.
«Ата-Бейит» комплекси боюнча илимий бөлүмдүн жетекчиси жана тарых илимдеринин кандидаты Салтанат Асекова Улуттук тарых музейи менен кызматташуу боюнча Меморандум түзүүнү сунуштады. Бул кызматташтык кызматкерлердин кесиптик даярдыгын күчөтүүгө, ошондой эле музей тармагында тажрыйба алмашуу жана биргелешип өнүгүү мүмкүнчүлүктөрүн түзүүгө жардам берет.
Улуттук тарых музейинин жетекчилиги маданий тармакты өнүктүрүүгө жана жарандардын маданий эс алуусуна ыңгайлуу шарттарды түзүүгө багытталган инициативаларды колдоого даяр экенин билдирди.
