Кубат Табалдыев менен болгон жолугушууда, музейдин директору, профессор Жылдыз Бакашова балбалдарды коргоонун зарылдыгын белгилеп, Кыргызстандагы алардын санынын азайып бара жаткандыгына көңүл бурду.
Кубат Табалдыев бул балбал кечки бронза же эрте темир дооруна таандык экенин жана музейдеги башка экспонаттарга салыштырмалуу бир катар өзгөчөлүктөргө ээ экенин белгиледи. Анын көздөрү, муруттары жана жасалгалоо өзгөчөлүктөрү айырмаланып турат, ошондой эле кийинчерээк түрк салттарына таандык элементтер бар.
Профессор Бакашова Бектемир Алгожоевдин үй-бүлөсүнө бул баалуу экспонатты узак убакыт бою сактап келгендиги үчүн ыраазычылык билдирди, ошондой эле музейге өткөргөн археологго ыраазычылык айтты. Музейдин жетекчилиги тарыхый мурастарды коргоо жана популяризациялоо боюнча иштер улантыларын билдирди.
