Мэриянын санариптик технологиялар борбору Транспорт жана байланыш министрлиги менен биргеликте «Менин шаарым» мобилдик тиркемесинин жаңы мүмкүнчүлүктөрү тууралуу маалымдады.
«Эми колдонуучулар Ош, Кант, Манас, Талас жана Токмок сыяктуу шаарларда коомдук транспорттун кыймылын реалдуу убакытта көзөмөлдөй алышат. Бул кызмат жарандарга жана туристтерге маршруттар жана коомдук транспорттун кыймылы тууралуу актуалдуу маалыматты камсыз кылып, сапарларды пландаштырууну кыйла жеңилдетет. Кийинчерээк тиркеменин функционалы акырындык менен кеңейип, өлкөнүн бардык аймактарында жеткиликтүү болот», — деп айтылат расмий билдирүүдө.
