Маданият министрлигинин маалымат кызматынын маалыматына ылайык, бул иш-чаранын алкагында волонтёрдук жана жаштар уюмдарынын ортосундагы байланыштарды чыңдоого, волонтёрлук маданиятын өнүктүрүүгө, ошондой эле жаштар арасында гуманитардык баалуулуктарды жана социалдык жоопкерчиликти популяризациялоого багытталган командалык мелдештер өткөрүлөт.
Мелдештерге Кыргызстандагы ар түрдүү жаштар уюмдарын жана жогорку окуу жайларын өкүлдөгөн 16 команда катышат. Маданият, маалымат жана жаштар саясаты министринин орун басары Марат Тагаев, ошондой эле «Жаштар кыймылы Кыргызстан» коомдук бирикмесинин төрагасы Жакшылык Бекназаров саламдашуу сөздөрүн сүйлөшөт.
Волонтёрдук оюндардын программасы төрт негизги этаптан турат:
- салттуу кыргыз оюндарын камтыган спорттук эстафета;
- калдыктарды сорттоо менен байланышкан экологиялык этап;
- биринчи медициналык жардам көрсөтүү этап;
- интеллектуалдык оюн.
Мындан тышкары, Волонтёрдук оюндардын алкагында популярдуу аткаруучу Кайрыт Примбердиев катышкан маданий-концерттик программа өтөт.
«Жаштар кыймылы Кыргызстан» коомдук бирикмеси 2023-жылдын 4-августунда Кыргыз Республикасынын «Жаштар жөнүндө» мыйзамына ылайык түзүлгөн жана 2024-жылдын 14-мартында Министрлер Кабинетинин токтому менен бекитилген.
